Ⴊეტერინგი
0 коммент.
Ⴑანამდის
გამოვძებნით ლეტერინგის ქართულ შესატყვისს, ალბათ უნდა განვმარტოდ თვით სიტყვა
ლეტერინგი. Ⴊეტერინგის დაახლოვებითი განმარტება: გრაფიკული სურათი, შემდგარი დახატული ასონიშნებისაგან, რომლებიც
ამოწნულია (დაწნულია) ჰარმონიულ სტილისტურ კომპოზიციაში.
Ⴉალიგრაფიის
განმარტება იგივეა, მხოლოდ „დახატულის“
მაგივრად უნდა იყოს „დაწერილი“ ასონიშნები. Ⴉალიგრაფია — გრაფიკული სურათი, შემდგარი დაწერილი ასონიშნებისაგან,
რომლებიც ამოწნულია (დაწნულია) ჰარმონიულ სტილისტურ კომპოზიციაში.
Ⴉალიგრაფიის ლათინური ნიმუში
Ⴊეტერინგის ლათინური
ნიმუში
Ⴉალიგრაფიის
ჩემეული ქართული შესატყვისია „ნატიფწერა“. Ⴀრგუმენტაცია:
სიტყვა კალიგრაფია არის ბერძნული წარმოშობის და ქართულად ნიშნავს ლამაზად
წერას (κάλλος — ლამაზი; γράφειν — წერა; καλλιγραφία — ლამაზად წერა). Ⴕართული
სიტყვა ლამაზის სინონიმები: კოხტა, ტურფა, ნატიფი, ნარნარი. Ⴘესაბამისად
კალიგრაფია შეიძლება იყოს: ლამაზწერა, კოხტაწერა, ტურფწერა, ნატიფწერა,
ნარნარწერა. Ⴍპტიმალურია „ნატიფწერა“.
Ⴘესაბამისად
ლეტერინგის ქართული შესატყვისი შეიძლება იყოს: ასოთხატვა, ნატიფხატვა, ასოთნატიფხატვა,
ასოთამოწნულხატვა, ასოთამოწვნა, ასოთდაწნულხატვა, ასოთდაწვნა, ასოთქსოვილხატვა.
Ⴂამოდის ტლანქი ტერმინები!
Ⴕართულში
არსებობს შემდეგი ტერმინები: „ხვეულწერა“
— მხედრული ხვეული ასოებით შესრულებული ხელრთვა; და „ქსოვილწერა“ — ასომთავრული ქსოვილი ასოებით შესრულებული სათაურები.
Ⴊეტერინგი თავისი არსით აუხლოვდება „ქსოვილწერას“, რომელიც სინამდვილეში კი არ
იწერება, არამედ იხატება.
Ⴞვეულწერის
ნიმუში
Ⴀრჩილ მეფის
ხელმოწერა მისი წერილიდან
Ⴀმსტერდამის ბურგომისტრ Ⴌიკოლა Ⴅიტცენისადმი. (1686 წ.)
Ⴀმსტერდამის ბურგომისტრ Ⴌიკოლა Ⴅიტცენისადმი. (1686 წ.)
Ⴕსოვილწერის
ნიმუში
„Ⴈბაკონი უფლისა ჩუენისა Ⴈესო Ⴕრისტესი“
Ⴒფილისი, 1709 წ.
Ⴊეტერინგის ქართული შესატყვისის შესაძლო ვარიანტები:
„ხატვითწერა“, (ხატვითნაწერი);
„ხატულწერა“ (ხატულნაწერი)!
Ⴊეტერინგის
მაგალითი.
„Ⴑათემო“. 1918-1921 წწ
„Ⴑათემო“. 1918-1921 წწ
Ⴊეტერინგის მაგალითი.
„Ⴁუნების გლოვა“. 1920
წ.
Ⴊეტერინგის
მაგალითი.
Ⴐომანსი „Ⴘეეჩვია“. 1920-ანი წლები
Ⴐომანსი „Ⴘეეჩვია“. 1920-ანი წლები
Ⴊეიერინგის
მაგალითი.
„Ⴑულიკო“. 1954 წ.
„Ⴑულიკო“. 1954 წ.
Автор: Tamaz Mchedlidze на понедельник, июля 29, 2019
Подписаться на:
Сообщения (Atom)